Sərxoş sürücü qəza törətdi -`Mercedes`in arxa təkərləri qopdu (VİDEO)
14:45 25 Dekabr 2017
Bakının Nərimanov rayonunun Koroğlu Rəhimov küçəsində sərxoş sürücü qəza törədib.
Femida.az "Report"a istinadən xəbər verir ki, Şahin Qasımov idarə etdiyi "10-XJ-989" dövlət qeydiyyat nişanlı "Hyundai" markalı avtomobil ilə yol hərəkəti qaydasını kobud şəkildə pozaraq əks yola çıxıb və bu zaman qarşı zolaqda hərəkətdə olan 1991-ci il təvəllüdlü Paşayev Babək İxtiyar oğlunun sükanı arxasında olduğu "99-LR-742" dövlət qeydiyyat nişanlı "Mercedes"in sol yan hissəsinə çırpılıb.
"Hundai" toqquşmadan sonra beton çəpərə çırpılaraq deformasiyaya uğrayıb. Zərbənin gücündən "Mercedes"in arxa təkərləri qırılıb və maşın bir neçə dövrədən sonra ağaca dəyərək dayanıb. "Mercedes"in sürücüsü B.Paşayev və 1991-ci il təvəllüdlü sərnişini Rzayev Paşa ağır bədən xəsarətləri alaraq xəstəxanaya yerləşdirilib.
Qəzanı törədən sürücü isə üz nahiyəsindən yüngül xəsarətlər aldığından ona təcili yardım xidməti tərəfindən ilkin yardım göstərilib.
Faktla bağlı əraziyə Yol və Post Patrul xidmətlərinin əməkdaşları cəlb edilib. İlkin araşdırma zamanı Ş.Qasımovun avtomobili sərxoş halda idarə etdiyi müəyyən edilib. Buna görə də, sürücü sərxoşluğun yoxlanılması məntəqəsinə aparılıb.
Faktla bağlı Nərimanov Rayon Polis İdarəsində araşdırma aparılır.
Oxunub: 1259
Oxşar xəbərlər
- Sərxoş sürücü 7 gənci vurdu - 1 ölü, 2 ağır yaralı
- Sərxoş sürücü qəza törətdi
- Sərxoş NATO hərbçiləri arasında dava olub
- Sərxoş sürücü maşını qoyub qaçdı, qohumu isə polisə hücum çəkdi - FOTOLAR
- Sərxoş gənclər çayda ölümlə üz-üzə qaldı
- Sərxoş kişi öz evini partladıb
- Sərxoş kişi körpüdən yıxılıb
- Sərxoş sürücü lüks maşınları əzdi - FOTOLAR
- Sərxoş sürücü qəza törədib
- Sərxoş sürücü qəza törətdi